===============
မေဓပညာမော်ကွန်းလင်္ကာ
===============
ဆောင်းပါးမူရင်း ရခိုင်သဟာယမဂ္ဂဇင်း အမှတ် (၄) ဟု ထင်ပါသည်။ ဆရာကြီးဦးရွှေဇံ ရွီးသားပြုစုခသည့် ကောင်းကောင်း အရည်အခြင်းပြည့်မှီသော (ပညာသျှင်) ဆောင်းပါးတပုဒ်ဖြစ်ပါသည်။ လက်ထဲဟိသူများ (Scan) ပြုလုပ်၍ (PDF) မူကို တင်ပီးစီချင်ပါသည်။ ဒုတိယ မူပွားတခုမှာ (ရခိုင်မဂ္ဂဇင်း) လား (ဦးရာဇ်မြီ) မဂ္ဂဇင်းလား မမှတ်မိလိုက်ပါယာ။ ရွီးသူနာမည်လည်း မမှတ်မိလိုက်ပါယာ။ သူ၏လက်ထဲတွင် (ပီမူ) ဟိသည်ဟုဆိုပါသည်။ ရခိုင်ပြည်ထဲဟိ ရခိုင်စာပီသုတေသီများ ဒုတိယမူပွားဆောင်းပါးပိုင်သျှင်၏နာမည်ကို ခြီရာကောက်ပြီး (မေဓပညာမော်ကွန်း)(ပီမူ) ကို ပျောက်ပျက်မလားခင် ရှာဖွီစုဆောင်း၍ ဖော်ထုတ်ထိမ်းသိမ်းထားသင့်ပါသည်။
===============
မေဓပညာမော်ကွန်းလင်္ကာ
===============
ကမ္ဘာစဉ်လာ ၊ ဓမ္မာတာဖြင့်၊ ၀ိဒွါသမုတ်၁ ၊ စတုယုဂ်ကိန်း၂ ၊ လေးသိန်းနှစ်သောင်း၊ နှစ်ထောင်ဆောင်းအယ့်။ နှစ်ပေါင်းကိုချုပ်၊ ကလိယုဂ်တည့်၃ ။ ထိုယုဂ်နှစ်ပြန်၊ ဒွါပရန်၎ ဟု၊ သုံးပြန်တြေတာ၅၊ လေးဖြာကတ၆၊ ပေါင်းကြလေးထပ်၊ ရွီးအပ်သိမှု ၊ အအဥအီ၊ ရာဂီဘြု၇၊ ဂဏန်းစုဖြစ်၊ ထိုနှစ်အပေါင်း၊ ခေါက်ပြောင်းပြန်လှန်၊ ကပ်ဆုံးလွန်အောင်၊ လူ့ ဘောင့်ပွားဆုတ်၊ လေးပါးယုဂ်တွင်၊ အယင်ကတ၊ ဓမ္မသစ္စာ၊ ပြည့်လာဥဿုံ၈၊ ကောင်းကိန်းကြုံအယ့်။ သုံးပုံတြေတာ၊ ယုတ်မှာတခု၊ ကောင်းမှုသုံးဖြာ၊ ဒွါပရာစက်၊ တ၀က်ကောင်းဆိုး၊ တမျိုးကလိ၊ အသိဧက၊ သုံးဝချွတ်ယွင်း၊ တရားကင်းအယ့်။ ယင်းကလိသက်၊ ထိုနှစ်ထပ်မှာ၊ ဂိက္ခာဂိက္ခ၉၊ ဂဏန်းကျခါ၊ ရာသက်ကာလ၊ ဟာယန၁၀မှီ၊ သာကီသကျ၊ ဂေါတမဟု၊ လောကလူ့ ရွာ၊ ဖြစ်ပွင့်လာရွယ့်၊ ဒေ၀ါမနု ၁၁၊ ကျွတ်မှုဟောကြား၊ လေးဆယ့်ငါးဝါ၊ ပြည့်ရေခါကား၊ သြဆာဂါရ၁၂၊ သာခပုဏ္ဏမီ ၁၃၊ ငြိမ်းလီနိဗ္ဗာန်၊ ထားပြန်သာသနာ၊ ဂေါစာဖြိုရှု၊ ဓါတုဋီကာ၁၄၊ ရောက်ခါပေါင်းကြ၊ န၀တြိ၊ သတ္တဂီ၁၅၊ ဂေါတမပူရမ်၊ ကျမ်းညွှန်အလာ၊ ရက္ခပူရ၊ ဓညသခင်၊ ဘုရင်ရာဇာ၊ ရာလမာယု၊ မင်းဟုသမိုက်၊ ဘိသိက်ကြိုက်ခါ၊ ဂေါစာဘိန္န ၁၆၊ သဓကကျမ်း၊ ကိန်းခန်းအရ၊ မိဘစံဇီ ၁၇၊ ဖြိုလီကြွင်းနှစ်၊ သကြစ်မဟာ၊ တရာသုံးခု၊ ပွင့်မူတွိကြုံ၊ ကဆုန်ပုဏ္ဏ၊ ဂေါတမဟု၊ ဗုဒ္ဓတံထွာ၊ ဖြစ်လာဟောကြား၊ လေးဆယ်ငါးဝါ၊ ရောက်တေခါကား၊ ရာလေးဆယ့်သျှစ်၊ ပြည့်ခိုက်ကဆုန်၊ နိကြုံအင်္ဂါ၊ နိဗ္ဗူတာသို့ ၊ မှန်စွာရောက်ဟိ၊ ခတ္တိငါးဆက်၁၈၊ မပျက်စဉ်လာ၊ စန္ဒသူရိယ၊ ဇီဝက၁၉ကိန်း၊ ဖြိုသိမ်းပြီးမှ၊ တစ်ကစလိုက်၊ သကြစ်လာ၊ သာသနာနှင့်၊ စဉ်လိုက်မပျက်၊ ဆယ့်ခြောက်ဆက်ခါ၊ သူရိယာစိတြ၊ ဓနဉ္စ ၂၀ ကိန်း၊ မယိမ်းဖြိုလေ၊ သုံးဆယ်နှစ်ဆက်၊ မပျက်ရောက်ဘိ၊ သိရိစန္ဒြ၊ ဥတ္တမ၂၁ ကိန်း၊ ဖြိုသိမ်းပေါင်းပြု၊ ဓါတုဋီကာ၊ ဂေါစာဂလော၊ ရောက်ကောမှန်စွာ၊ သာသနာနှစ်၊ အတိတ်ဖြစ်ခါ။ ထိုနှစ်မှာပင်၊ စိတြာပုဏ္ဏိ၊ ပဋိပါဒ ၂၂၊ ဆုတ်စတရက်၊ ယင်းနိထက်တွင်၊ မြသွင်မှိုင်းအိ၊ တန်ခိုးဟိသည်၊ ဘုမ္မိရွှီဆောင်၊ ဗွီထက်ခေါင်ကို၊ ညီအောင်ပြုကာ၊ ၀ိဟာတမျက်၂၃၊ လေးဘက်အညီ၊ ငါးဆောင်စီဖြစ်၊ တကျောင်းနှိုက်ဝယ်၊ ငါးဆယ်သံဃာ၊ တမျက်နှာဟု၊ နှစ်ရာ့ငါးဆယ်၊ လေးသွယ်ရဟန်း၊ သီဟိုဠ်ကျွန်းက၊ ဓူရနှစ်ဖြာ၊ ငါးရာစီမျှ၊ ကိုယ့်ပြည်မမှ၊ ဓူရတထောင်၊ ပင့်ဆောင်လုပ်ကျွေး၊ လှူပွဲကျင်းပ၊ လဂ်ကထူးဆန်း၊ နတ်နန်းတမျှ၊ တူစွရွှီကျောင်း၊ အပေါင်းများစွာ၊ သံဃာနှစ်ထောင်၊ ပင့်ဆောင်ပြီးမှ၊ စူလရေ၀၊ နာယကကား၊ ဓမ္မသဘင်၊ သင်္ဂါယနာ၊ တင်ရာအစ၊ ပဉ္စ၀ိနယာ ၂၄၊ ၊ နှစ်ရာ့ငါးဆယ်၊ သုတ္တံကျယ်တိ၊ နာဝိဧကာ ၂၅၊ ကိုးရာဆယ်တိ၊ အဘိဓမ္မာ၊ ကျမ်းလာသတ္တ၊ သျှစ်ရာ့လေးဆယ်၊ ဗုဒ္ဓဟောတိ၊ ပါဋိနယ၊ တာမြပတ္တာ၂၆ ၊ ကြီးဝါချပ်ပြား၊ နှစ်ထောင်အားဖြင့်၊ ရွီးထားသေချာ၊ တနှစ်ကြာအယ့်။ တဖြာဖွင့်ပြ၊ အဌကထာ၊ ၀ိနယာမှာ၊ ခုနှစ်ရာငါးဆယ်၊ သုတ်ဝယ်အလာ၊ ထောင့်ငါးရာတည့်၊ အဘိဓမ္မာ၊ ခြောက်ရာကိုးဆယ်၊ ဓိပ္ပါယ်ပေါင်းစုံ၊ အကုန်ဖော်ဟိ၊ ၀ိသုဒ္ဓိမဂ်၊ သျှင်ပျက်မရာ၊ လိဇ္ဇိာမှာနှိုက်၊ ချပ်ဖြစ်လေးဆယ်၊ ဒါယေ၀ိနိစ္ဆယ၊ ကင်္ခ၀ိတရဏီ ၂၇၊ ချပ်ရွီလေးဆယ်၊ နိကာယ်ငါးဝ၊ အဌကထာ၊ နှစ်နှစ်ကြာပြု၊ ပ-ဒု-တ-မှီ၊ စတုတ္ထီကျ၊ မဟိံသဟု၊ မည်ရသမိုင်း၊ ရခိုင်တိုင်းသို့၊ စိယ်ခိုင်းလီဘိ၊ မောဂ္ဂလိပုတ္တ၊ တိဿထေရ်သျှင်၊ သိခင်ရေ၀၊ ထေရ်ငါးဖြာ၊ ရဟန္တာရို့၊ ကြွလာထိုခါ၊ သူရိယာစက္က၊ ရို့ရာဇအား၊ ဟောကြားဒေသနာ၊ ဒေ၀ါဓူတံ ၂၈၊ သုတ္တံအဆုံး၊ လေးသောင်းလုံးမှာ ဓမ္မာစက္ခု၊ ရဟိမှုကြောင်း၊ လေးသောင်းရဟန်း၊ ကျွတ်တန်းဝင်ကြ၊ ထိုကစရွယ့်၊ သာသနာ့ဝန်ထမ်း၊ ရဟန်းသံဃာ၊ စဉ်လာပွားထ၊ သီဟဠနယ့်၊ ၀ါဒတူဘိ၊ ဂုဏသိင်္ဂိမှာ၊ ပတ္တာပဉ္စမီ ၂၉၊ ကြီးရွှီချပ်ပြား၊ ငါးထောင်အားဖြင့်၊ ရွီးထားသေချာ၊ သုံးနှစ်ကြာလျှင်၊ အောင်မြင်ပြီးစီး၊ သီရိစန္ဒြား၊ ကိုယ့်မင်းဖျားကား၊ ရုပ်ပွားပုထိုး၊ စေတီမျိုးနယ်၊ နောက်တိုးကန်တူး၊ ကောင်းမှုဖြာဖြာ၊ ပြည်ရွာခွန်ဘဏ်၊ ယွှပြန်တ၀က်၊ ရန်မျက်ကင်းငြိမ်း၊ မယိမ်းမယုတ်၊ ကြိုးကုပ်ဒါန၊ သီလတဖြာ၊ ဘာဝနာတရပ်၊ ၀ိပဿနာ၊ များစွာအားထုတ်၊ လောကုတ်သဘင်၊ မဂ်ပွဲဆင်သည်၊ ဖိုလ်ဝင်နိဗ္ဗာန်ရောက်ကြောင်းတည်း။
( -- ) နံပါတ်တပ်ထားသော စကားလုံးအဓိပ္ပါယ်များ
=========================
(၁) ၀ိဒွါသမုတ် - ပညာဟိသမုတ်သော
(၂) စတုယုဂ် - ယုဂ်လေးပါး
(၃) ကလိယုဂ် - ဆုတ်ယုတ်သောယုဂ်
(၄) ဒွါပရန် - ဒွါပရယုဂ်
(၅) တြေတာ - တြေတရာယုဂ်
(၆) ကတ - တတယုဂ်
(၇) အအဥအ၊ ရာဂီဘြု - ၄၃၂၀၀၀၀ ပိဋကတ်သချာင်္နည်း
(၈) ပြည့်လာဥဿုံ - အားလုံးပြည့်စုံသည်။
(၉) ဂိက္ခာဂိက္ခ - ၂၅၂၅ ကလိယုဂ်နှစ်- ပိဋကတ်သချာင်္နည်း
(၁၀) ယာယန - အသက်တရာတန်းကပ်
(၁၁) ဒေ၀ါမနု - နတ်-လူ
(၁၂) သြဆာဂါရ - ၂၅၇၀- ပိဋကတ်သချာင်္နည်း
(၁၃) သာခပုဏ္ဏမီ - ကဆုန်လပြည့်နိ
(၁၄) ဓာတုဋိကာ - ၁၁၆၉- ပိဋကတ်သချာင်္နည်း
(၁၅) န၀တြိသတ္တဂိ - ၃၇၃၉-ကလိယုဂ်ခေတ်
(၁၆) ဂေါစာဘိန္န - သက္ကရာဇ်ဖြိုခြင်း
(၁၇) မိဘစံဇီ - ၈၆၄၅- ပိဋကတ်သချာင်္နည်း
(၁၈) ခတ္တိငါးဆက် - ခတ္တိယအနွယ်မင်း ၅-ဆက်
(၁၉) ဇီဝက - ၁၄၈- ပိဋကတ်သချာင်္နည်း
(၂၀) ဓနဉ္စ - ၆၀၉- ပိဋကတ်သချာင်္နည်း
(၂၁)ဥတ္တမ - ၅၆၀ - ပိဋကတ်သချာင်္နည်း
(၂၂) စိတြာပုဏ္ဏိ၊ ပဋိပါဒ - တန်ခူးလဆုတ် (၁) ရက်နိ
(၂၃) ၀ိဟာတမျက် - တမျက်နှာ၌ ကျောင်းဆောင်
(၂၄) ပဉ္စ၀ိနယာ - ၀ိနည်းငါးကျမ်း
(၂၅)နာဝဧကာ - ကိုးရာတဆယ်
(၂၆) တာမြပတ္တာ - ကြီးကိုခတ်ထားသည့်အပြား
(၂၇)ဒါယေ၀ိနစ္ဆယ၊ ကင်္ခ၀ိတရဏီ - ၀ိနစ္ဆယ နှင့် ကင်္ခ၀ိတရဏီကျမ်းပေါင်း
(၂၈) ဒေ၀ါဓူတ - ဒေ၀ဓူတသုတ္တံဒေသနာတော်
(၂၉) ပတ္တာပဉ္စမီ - ငါးထောင်ကြီးပြားချပ် (ရွီတွက်) ထားခြင်း။
ပြုစုသူ (ဦးရွှေဇံ)
COPY ဦးဦးသာထွန်း Page
No comments:
Post a Comment