ရခိုင်မင်းသမီးဧခြင်း
ရခိုင်ပေါင်းကူး သာလှဦး
ပထမအကြိမ် (PDF) ပုံနှိပ်မူ
ရခိုင်မင်းသမီးဧခြင်း အဖွင့်ပိုဒ်
====================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
မင်းကြီးမင်းလှ မင်းဓမ္မလျှင် လူ့ခွင်ကျော်ဟိုး လွန်ထိန့်ကြိုးလျှက် တန်ခိုးပြောထူ ဘစောဖြူဟု ပြည်သူသခင် ငါ့အသျှင်မှာ သံသာရှိဟောင်း ဘ၀နှောင်းက အကြောင်းသင့်စွ ရင်၌ရသား မိဘမျက်ဖျော် သမီးတော်ကို ချီငှော်နှစ်သိမ့် ခြိမ့်ခြိမ့်ညံညံ ကပ္ပျာသံဖြင့် ကျံကျံယင့်ကျူး ဧျီးယင်ထူးဖြင့် ပျံ့ပျူးသာယာ ဆိုစိမ့်ငှာလျှင် စီကာပတ်ကုံး နိဒါန်းထုံးကို ပန်းကုံးအသွင် ဖွဲ့စီရင်၍ အသျှင်ရွှီနား နာကြားစီရန် အကျွန်ပဏ္ဍိ က၀ိခေါ်ဆို မင်းညိုဘဒူ အသျှင့်လူလျှင် တမူတသီး ဆက်သွင်းပီးသည် ပြည်သူတည့်ထိပ်သီး သျှင်မင်းကြီး ဧျီးယင်ယင်ဧျီး ။ ။
ထိပ်သီးမှောက်တော် ဟုတ်တည့်သြော် မင်းမော်မိဘ သမီးလှကို ချိုမြသံညောင်း ယိုင်းခြင်းကောင်းဖြင့် မောင်းမများစွာ လွှဲစိမ့်ငှာလျှင် ရွီးကာတည့်စီပီး မှောက်တော်ထွီး ဧျီးယင်ယင်ဧျီး ။ ။
(ဧျီး) ကို (ယီး) ဟု အသံထွက်ဖတ်သည်။
(ဟံသာဝတီမူ) (ရမ်းပြည့်သရက်ချောင်းမူ) တွင် ဤ (အဖွင့်ပိုဒ်) ကို မတွိရပါ။ စစ်တွေကောလိပ်မဂ္ဂဇင်း အမှတ် (၂) ၌ ဆရာကြီးဦးသာထွန်းဖော်ထုတ်ခသော ရခိုင်မင်းသမီးဧခြင်း (မိပန်းရံ) မူ (အဖွင့်ပိုဒ်) ။ စုစုပေါင်း (၃၄) ပိုဒ် ဟိသည်။
ရခိုင်မင်းသမီးဧခြင်း အပိုဒ် (၁)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးလျှက်ပျံ့ပျူး ရိုက်ကာကျူးပိမ့်ပေါ်ဦးကမ္ဘာ အစစွာက ငါးကြာပွင့်လိုက် ရောင်မြိုက်ဥာဏ်ဖြူ ငါးဆူသျှင်နည်း ပွင်မည်ချည်းတွင် မိတ္တေးမရောက် လေးပါးနောက်ဝယ် ငါးထောက်တောင်တာ သာသနာတွင်း ငါးစင်းအမြတ် န၀တတ်ရီကျ ငါးရာရသား ဂစ္ဆပနဒီ ဤသည်ညာမွန် ယဉ်တန်တတက် ပင်လယ်ထွက်မှ နှစ်ဘက်ကမ်းခြီ ဖြားရီမှီဝယ် ရှိဆီပြုပ္ပာ အာကာမှီခိုင်း တောင်ပြိုင်းပြိုင်းနှင့် ဆိုင်းဆိုင်းမဏ္ဍိုင် ရခိုင်ညွန့်ဖူး မွန်ကြယ်မြူးသို့ မြောက်ဦးရွှီနန်း တည်လတ်ထွန်းသည် ဤကျွန်းဇမ္ဗူထူးတည့်လေ ။
ထူးတည့်မှောက်တော် ဟုတ်တည့်သြော် ကျော်သဲတဆူ ဇမ္ဗူဒီပ ကျွန်းလုံးခသည် မင်းတြားတည့်ရင်သွီး မှောက်တော်ထွီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်ရွီရွတ် န၀ရတ်တိ စီခတ်ကိုးမြွှာ ၀င်းဝင်းဝါသား ရတနာရောင် ပြောင်ပြောင်ရှုးရှုး မြောက်ဦးလယ်ချက် ရွှီနန်းထက်ဝယ် ဘုန်းဆက်စဉ်ဖြစ် ဧကရာဇ်တကာ မင်းမဟာတည်း အာဏာလက်ရုမ်း တန်ခိုးဘုန်းသား ပတ်ကုမ်းထိန့်သဲ ကျွန်းလုံးကြဲမျှ သျှင့်ခမည်းမင်း သျှင်မိရင်းက လက်ငြင်းယခု ပြုသည်ကမ္မ ရှိပုညကြောင့် ဤမျှတည်းသာ မကပါတည့် မဟာသမတ် နွယ်မပြတ်လျှင် အထွဋ်ထိပ်မိုး ဖြိုင်ဖြိုင်စိုးသည် မျိုးလည်းလွန်မြောက်ထူးတည့်လေး ။
ထူးတည့်မှောက်တော် ဟုတ်တည့်သြော် ပေါ်သောကမ္ဘာ မဟာသမတ် မင်းများနတ်၏ မပြတ်တည့်စဉ်ပြီး သားမြစ်မြီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၃)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်ယင်ယင် ဧျီးသံလွင်နှင့် ဖွားသျှင်တော်ရင်း မြီးမယ်မင်းကို သံညှင်းနှစ်သိမ့် အိပ်ပျော်စိမ့်ရန် သံထိန့်ကျူးအီး ကြာရ၀ိတ်ကျွီးသို့ သံဟီးတမွတ် သံပြွတ်တမွှန်း သံချိုခွန်းဖြင့် ရွှီနန်းဘုံမြဲ ဥဂ္ဂင်ထဲဝယ် တသဲသောင်းသောင်း ထိမ်းယပေါင်းနှင့် အကြောင်းအရင်း အခြင်းအတ ဟူသမျှကို ချီချမြွက်ဖော် စိုက်စိုက်ခေါ်သည် မယ်တော်မိခင်ကျူးတည့်လေ ။
ကျူးတည့်မှောက်တော် ဟုတ်တည့်သြော် မယ်တော်ထံရင်း ကျူးခြင်းသံညောင်း နာသာကောင်းစွ ချစ်ကြောင်းတည့်ရင်သွီး နာပျော်ရီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၄)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်နှစ်သိမ့် အငြိမ်းအချမ်း သူငယ်ဝမ်းဖြင့် မြည်တမ်းပူဆာ နိုးနာမဟိ အိပ်ပျော်ဘိမူ သိန်းတိဖိုးနက် ညံ့သက်ပင်ခြည် လျားမရှည်နှင့် နောက်ပြည်မင်းရို့ ခွန်ဆက်ပို့သား နှစ်လိုချင်စွာ ခါသာပိတ်အုပ် နတ်လုပ်မယွင်း အောက်နှီးခင်း၍ ပေါ်တွင်ကြက်ဟံ ဗိတာန်အောင်လွှား ကိုးပါးရတနာ စီမြွှာခြည်ရက် ရွှီပုခက်ဝယ် ရွှီရွက်လူလူ ရွှီခြူသွင်သွင် လက်ငင်ကိုင်အုပ် မျှင်မျှင်ထုပ်လျှက် တမုဂ်ကြိုးကိုင် နှစ်ဖက်ဆိုင်သည် ဧျီးတိုင်ရိုက်ပြန့်ပျုးတည့်လေ ။
ပျူးတည့်မှောက်တော် ဟုတ်တည့်သြော် ရွှီပေါ်ရောင်ယှက် ရွှီပုခက်ဝယ် နှစ်ဖက်သံနွဲ့ တသဲ့သဲ့လျှင် နွဲ့သံတည့်အီးအီး ရစ်ကာထွီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၅)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးလျှက်သံပြိုင် ယင့်ကာဆိုင်လျှက် ဧျီးထိုင်ကျူးရိုက် စည်ရာလိုက်၍ သံမြိုက်သံကောင်း သံညောင်းသံညှင်း သံခြင်းသံပြွီ သံချီသံအုပ် ရွှမ်းရွှမ်းချုပ်လျှက် လက်ခုပ်ဖြောက်ဖြောက် ဧျီးထောက်ဧျီးခံ ပြွန်းပြွန်းရံ၍ ကြံကြံရင့်ရွယ် မယ်တော်မယ်ကို နာဖွယ်နှစ်သိမ့် နှလုံးငြိမ့်မျှ သံခြိမ့်သံခြိ တမွိမွိလျှင် ကျူးဘိနာပျော် လွှဲကာဖျော်သည် နားတော်ရွှီခွက်ဖျူးတည့်လေ ။
ဖျူးတဲ့မှောက်တော် ဟုတ်တည့်သြော် နားတော်ရွှီဦး ချစ်ဝမ်းနူးလျှက် ကျူးယင့်ကျော်ကျော် သျှင့်ကိုဖျော်သည် နာပျော်တည့်ငြိမ့်အီး အိပ်မွိဆီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၆)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးယင်ခေါ်လစ် အမြစ်အရင်း မျိုးစဉ်ကွင်းကို လွှဲခြင်းသာယာ ကျူးသံဝါဖြင့် ရွယ်ကာသဘော မိခင်ပြော၏ ဘီးစောသကျ အဇ္ဇုနလည်း ကပ္ပိလဟု ပြည်မခွာယှောင် မြိုင်ချောင်တောတွင်း သီတင်းသုံးရာ ကြမ္မာလီခတ် ဈာန်လျောလွတ်၍ ရသေ့မျိုးပွား သက်မသားဟု မာရယုလျှင် ဘပြူမင်းထီး သင်းကြီးအောင်လာ သည်းချာဒေ၀ီ သမီးပီနှင့် ယှဉ်မှီတူကွ ဓညရွှီပြည် လာသည်အကြိုက် ရက္ခိုက်ဂုမ္ဘာန် ငဆဒ္ဒါန်ဆိုး ဘီလူးမျိုးကို ကြိုးကာသတ်ပြန် ထီးနန်းစံသည် မောင်နှံနှစ်စုံ ဖုးတည့်လေ ။
ဖူးတည့်မှောက်တော် ဟုတ်တည့်သြော် ယှဉ်ဖော်တူကွ နှစ်စုံပလျှက် ဓည၀တီ မစိုးမှီတွင် ဟိပြီးရန်ဆူး စုန်းဘီလူးကို တဦးမလွတ် အကုန်သတ်သည် အထွဋ်တည့်မြောက်သွီး ယင်ယင်ဧျီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၇)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးတုံကာကာ အစဉ်ဖြာသား မှည်သာဓည ပြည်မထိပ်ဖျား သိကြားပီးနှင်း လက်နက်ပြင်းသား ထိုမင်းမာရယု တည်စပြုက သားပုမြီးချည်း စဉ်တကဲတည့် ငါးဆယ့်လေးဆောင် ဖြူရောင်ထွန်းလျှံ ကျိန်းခန်းလွန်မူ ဘီးမွန်ကြီးစွာ ကံရာဇာလျှင် ပဉ္စာနရီ နတ်ဒေ၀ီနှင့် တိမ်မှီမိုးဆောင်း ကျောက်ပန်းတောင်း၌ ပွဲကောင်းရစ်ဖွဲ့တည်ထားခယ့်သည် နှစ်ဆယ့်လေးနှစ် ကျူးတည့်လေ ။
ကျူးတည့်မှောက်တော် ဟုတ်တည့်သြော် တိမ်ပေါ်မြင့်ဆောင်း ကျောက်ပန်းတောင်း၌ ပွဲကောင်းရစ်ဖွဲ့ တည်ထားခယ့်သည် နှစ်ဆယ်တည့်လွန်ပြီး လေးနှစ်စီး ဧျီးယင်ယင်ဧျီး ။
ရခိုင်မင်းသမီးဧခြင်း အပိုဒ် (၈)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်ကျစ်ကျစ် စဉ်ကာဖြစ်တည့် တလှစ်ယင်းက သိကြားပြသား ဓည၀တီ သင်္ဂီပြည်သာ တည်တုံလာ၍ ဆက်ကာလူထိပ် နှစ်ကျိပ်သျှစ်ယောက် မင်းများမြောက်ဝယ် ထက်အောက်အာကာ စက္ကြာအနန္တ နီလတူတူ အယူမြင့်မော် ဥာဏ်ရောင်ပေါ်လျှက် သျှင်တော်ဂေါတမ ပွင့်လတ်ထသည် ဘ၀သုံးထိပ် ဦးတည့်လေ ။
ဦးတည့်မှောက်တော် ဟုတ်တည့်သြော် သျှင်တော်ဂေါတမ ဘ၀သုံးမှည် မဏ္ဍိုင်တည်သည် ဥာဏ်ခြည်တည့်ရောင်ပြီး ပတ်ကုံးမွှီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၉)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးကာယင့်ယူ ဖျော်တော်မူလျှက် လူလူခေါ်ကာ မိတ္တာအီးအီး ဧျီးဧျီးနာပေ ရွှီနားတည်လော ဧကရာဇ်တံခွန် ဆဒ္ဒါန်ဖြူဆွ လှရွရွနှင့် ဓည၀တီ သိင်္ဂီရွှီပြည် ဘုန်းထွန်းစည်သား အမှည်သူရိယ စန္ဒရာဇာ မင်းသဒ္ဓါလျှင် ထိုခါစိုးခိုက် သျှင်တော်ကြိုက်၍ ရိုက်ရိုက်လည်းဖိတ် ဦးထိပ်လက်ပန် ပီတိဝှန်လျှက် တောင်းပန်သောခါ မဟာမုနိ ဟိသည်ယခု ဆင်းရုပ်ထုကို ၀ိသုကမ္မ သိကြားပြ၍ ပဉ္စလောဟာ ရတနာဖြင့် သွန်းကာမဖြစ် ခုနှစ်လက်ထိ ကိုယ်ငွိတော်ယူ တည်တော်မူမှ ဘုန်းတူဘုန်းရှည် ညီနှယ်ဘုရား ကိုယ်တော်ပွားဟု ထားခယ့်သော်အား သုံးပါးနတ်လူ ကိုးရာမူသည် အယူရိုညွတ် နူးတည့်လေ ။
နူးတည့်မှောက်တော် ဟုတ်တည့်သြော် သျှင်တော်ကိုယ်စား ကိုးရာထားလျှက် သုံးပါးလူနတ် အားလုံးညွတ်သည် အထွဋ်တည့်တင်ပြီး နှိုင်းမဲ့ဝီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၀)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးတုံချီချ တမြမြတည့် ဓည၀တီ သိင်္ဂီရွှီပြည် ဘုန်းတိစည်သား အမှည်စန္ဒ သူရိယချည်း ဆက်ကာတည်းလျှင် သားလည်းမြီးလှောက် ငါးယောက်နှစ်ကျိပ် ဖြူရိပ်ဖြန့်ဆောင်း နှောင်းကားခါချိန် ကျိန်းခန်းနီမှတ် ညွှန်ပြလတ်ဘိ ဝေသာလိ၌ ဇာတိဆဒ္ဒါန် မျိုးမွန်ဖြူလဲ့ တဆယ့်နှစ်စီး ကျော်ဟီးထိုခါ ပေါ်ထင်စွာသား မဟာမှည်လှိုင်း တိုင်းစန္ဒြား ကျောက်လှီကား၌ သိကြားနတ်ဖန် လှဲနှင့်သံလျက် လက်နက်လှံမိုး ကိုးမင်းဆက်တိုင် ထုပ်ခွန်လှိုင်၍ ရိုက်ထိုင်ထိန့်ကြိုး မိုးရတနာ ရွာကာကာတည့် မှည်သာကျော်လွှမ်း ဥဒါန်းဆောင်လွှား စန္ဒြားရားဟု ကြီးအားမြောက်စည် ကိုးဆက်တည်သည် လူ့ပြည်ဘုန်းသျှိန်စူးတည့်လေ ။
စူးတည့်မှောက်တော် ဟုတ်တည့်သြော် ဘီးတော်စန္ဒြား ကိုးဆက်အားကို သိကြားပီးဆက် လှံသံလျက်နှင့် ထက်မိုးရတနာ ရွာသည်ထိန့်ကြိုး ကျော်လွန်ဟိုးသည် တန်ခိုးတည့်ပျံ့မွှီး ကျွန်းလုံးထီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၁)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသာပြား သိကြားပီးနှံ စေစားစံသား လှံပျံလက်သုံး ကိုးဆက်လုံးတွင် အဆုံးစန္ဒြား နှောင်းမင်းဖျားလျှင် နှစ်ပါးဥာဏ်ထောက် ရှိနောက်မြော်မြင် ဗေဒင်တတ်ငြား ဟူးရားညိုဟူ ဟူးရားဖြူရို့ မြစ်မူမနိုင် လှီခိုင်လှီကောင်း လှီရံပေါင်းတိ ကိုးသောင်းပိတ်ထား ရှိလားနောက်တွဲ ပင်လယ်ဝဲ၀ုတ် မြစ်သမုဒ်ဖြင့် တပ်လုပ်ဦးတည် သင်းတွဲပြည်သို့ ကြွသည်ထိုခါ သန္တာဦးနှစ် ပစ်သည်ကွမ်းဖတ် မြင်ဘိလတ်က ရီနတ်ရင်သွီး အထွီးအနှောင်း ဘကိုတောင်း၍ အလောင်းပြခါ လင်လျာလည်းဟူ ချစ်နှစ်ယူသည် လွယ်ကူပန်းနှယ် ခူးတည့်လေ ။
ခူးတည့်မှောက်တော် ဟုတ်တည့်သြော် စားတော်ကွမ်းဖတ် မြင်ဘိလတ်က ရီနတ်မင်းသမီး အထွီးအနှောင်း ဘကိုတောင်းသည် လင်ဟောင်းတည့်ပိုက်ထွီး နတ်မင်းသွီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၂)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးတုံပိမ့် ဟုတ်လိမ့်ဝါးတား တွေးယူမှားလျှက် နဂါးနှုတ်ထွက် ခုနှစ်ရက်သာ နီခယ့်ကာတည့် တခါလည်းကောင်း အလောင်းလူ့ပြည် ပေါ်လတ်မည်ဟု ဆိုသည်စကား သျှင်မကြားလော ရှိဖျားတင်လစ် ဓမ္မဇစ်အမတ် ကိုယ်လွတ်ယှောင်ခွာ လာလတ်ရာတွင် မာန်ပါမျက်ပွား မိဖုရားကြောင့် ပြီးလားခယ့်တုံ မြုံဟယ်ရုံပြည် တည်သည်ယခု မင်းရိုးပြု၍ သျှင်ဟုမကျိုး ကျွန်စဉ်ရိုးကို သျှင့်ဘိုးတော်မင်း မွီးသျှင်ရင်းလျှင် လက်ငြင်းခဏ မကြာရတည်း သားဘနှစ်ပါး ခန္ဓာလားမှ ထွားထွားတဖန် ပျက်ခယ့်ပြန်သည် မာန်တော်မီးသို့ ဆူးတည့်လေ ။
ဆူးတည့်မှောက်တော် ဟုတ်တည့်သြော် ထော်လော်ကန့်လန့် သျှင်မခန့်နှင့် ကိုယ်လွန့်ကိုယ်လုံ မြုံဟယ်ရုံကို ဆန်တုံတချက် သျှင်ဘိုးဖျက်သည် အသက်တည့်ကုန်ပြီး ခန္ဓာဖီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၃)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသံနွှဲ ပြောကာလွှဲအံ့ ၀ဲပင်လယ်မြစ် နဂါးနှစ်၍ ဟိလိုက်သောခါ ပြည်ရွာတဖန် မရောက်ပြန်က ပြင်းထန်ကျွီးဟစ် ငိုယိုလစ်၍ လင်ဖြစ်လင်သား လင်ယောက်ျားကို မျက်ဝါးဖုံဖုံ မျှော်တုံလီပြီး သျှင့်ဘီးခင်ဖွား မိဖုရားကို လားမည်သောခါ ရောင်ဝါလျှပ်လား ပတ္တမြားမျက်ခြေ ဤသည်လက်စွပ် ဖိုးခတ်ပြနှိုင်း တိုင်း၍တန်သူ မင်းမြှောက်မူဟု ဟူခယ့်နှစ်စောင်း ကြာမညောင်းတည့် အလောင်းလင်လျာ တိုင်းခန်းရှာသည် ထိုခါပြည်လုံး နူးတည့်လေ ။
နူးတည့်မှောက်တော် ဟုတ်တည့်သြော် ထိုရော်အခါ လင်မိန့်မှာကြောင့် လင်ရှာစေခိုင်း လက်စွပ်တိုင်း၍ ရနှိုင်းတည့်ရှာမီး မရသီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၄)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်စေရုံး ပန်းနှယ်ကုံးသား ပြည်လုံးနှံမ့်မျှ နှိုင်းမရ၍ ချောင်းဝမြောင်ထဲ တောင်ယာတဲဝယ် အမြဲနီကျင် မြိုတွင်ထင်ရှား သင်းကြီးသားဟု ရှည်လျားလုံးရပ် စည်းကြပ်စစ်ကြော ချောမောဆောင်ယောင် ညီနောင်သားဘ သုံးယောက်ရလျှင် အစတည်တုံ အမြထုံနှင့် တူစုံသာပေါင်း ထီးနန်းဆောင်း၍ နှောင်းတကြိမ်မူ သားပဲဖြူနှင့် ထီးဖြူဆောင်ချုပ် ပြည်ရွာအုပ်လျှက် တုန်လှုပ်မစွမ်း ပျက်ယိုယွမ်းတွင် သျှမ်းကိုးသိန်းသျှင် သိုခင်ဘွားကြီး တောင်ရိုးစီး၍ ဖျက်ဆီးလီခါ ကိုယ့်ရွာတကြိမ် မင်းမဲ့တိမ်သည် စည်းစိမ်မထွန်း ချူးတည့်လေ ။
ချူးတည့်မှောက်တော် ဟုတ်တည့်သြော် ထိုရော်သျှမ်းသား သိုခင်ဘွားလျှင် ကြီးမားမာန်ပါ ဖျက်ဆီးလာ၍ ယင်းခါတချက် ထီးနန်းပျက်သည် အဆက်တည့်နွယ်ရီး ပြတ်လီပြီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၅)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးတုံစုစု မိမျက်ရှုကို သိမှုထွေထွေ မိသည်ရွေပိမ့် ပျက်လိမ့်ကိန်းခန်း သိုက်နိဒါန်းလျှောက် သျှမ်းမင်းဖျက်ထ ထိုခဏ၀ယ် စူဠစန္ဒြား မင်းတြားသွီးဦး စိုးရွှီလူးကား ကိုယ်ထူးယှောင်လစ် စစ်တန်းတင်ထက် သက်နှင့်ဖက်၍ သက်သဘောပင် သက်မှည်တွင်သား ငမင်းငတုံး ဘုန်းလက်ရုမ်းဆက် စမ္ပ၀က်ကို ဖြူရွက်ဖြန့်မိုး နှင်းလာစိုးက မိုးကြိုးကန်ဝယ် စောင့်ဟန်နဂါး သိကြားပီးသည် ပိတောက်စည်လည်း တီးမြည်သံကြောင့် ပုဂံထွားညက် သျှမ်းလည်းပျက်၏ တိုင်းထက်ဆယ်ပြန် ကိုယ့်ပြည်မွန်သည် တဖန်ကျွန်းလုံး နူးတည့်လေ ။
နူးတည့်မှောက်တော် ဟုတ်တည့်သြော် ထင်ပေါ်တေဇ စူဠတွင်ငြား စန္ဒြား၏ သက်သားလုလင် သားငမင်လျှင် ကြီးအင်ကြံစည် ထီးနန်းတည်၍ အမှည်စမ္ပ၀က် ထီးနန်းတက်သည် တိုင်းထက်တည့်ကျော်ဟီး နန်းတော်ထီး ဧျီးယင်ယင်ဧျီး ။။
ရခိုင်မင်းသမီးဧခြင်း အပိုဒ် (၁၆)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်တချက် စမ္ပ၀က်၌ ဘုန်းဆက်စည်ကြုံး ဆယ်ယောက်သုံးတွင် အဆုံးစွန်မူ မင်းဘီးလူကို ကြံတူလှည့်ပတ် ပုန်ကန်သတ်၍ အမတ်သင်္ခယာ မှည်သာတချက် ၀ရောင်းငှက်လျှင် သုံးဆက်စိုးကာ ပဉ္စာမြို့ကောင်း ကျိန်းပြီးနှောင်းမှ မင်းဟောင်းသွီးခဲ မင်းရဲဘယ ပေါက်ညိုမြနှင့် ကြွခရှိပြည် ဆယ်နှစ်မည်တွင် မြင်သည်သည်းချာ ရွှီဂူသာနှင့် လက်ယာမင်းနန် မင်းရိုးမှန်လျှင် တဖန်လည်းကောင်း အလောင်းစည်သူ သိမ်းပြန်ယူခိုင်း တလိုင်းတသိန်း ပြူတသိန်းနှင့် အောင်ကျိန်းခါချိန် ပြက္ခတိန်လျှောက် ပုရိန်မြို့သစ် ထောင်လာလစ်သည် ချစ်နှစ်ပြည်သူ ကျူးတည့်လေ ။
ကျူးတည့်မှောက်တော် ဟုတ်တည့်သြော် နှစ်ဖော်နှစ်ပါး တူမပြားတည့် သျှင့်သားသမီး ဆွေစနီးနှင့် ပြည်ကြီးစိုးလာ တိုင်းချမ်းသာကို ရှာသည်တည့်မြင့်ထီး ဆောင်းလီပြီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁ရ)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသံခြား ကျူးကာကြားပိမ့် နားသည်မယောင် သျှင်မထောင်လော မောင်နှမရင်း တဘချင်းကို မင်းမြှောက်သောခါ ပါသည်များလှိုင်း တလိုင်းနှင့်ပြူ နှစ်ပြည်သူရို့ သုံးလူထွဋ်ချာ မဟာမုနိ တြိနာတော် ရုပ်ရှင်တော်ကို ပေါင်တော်ကြောသား လောဘအားကြောင့် နဂါးလည်းနှစ် ပြန်ရစ်သောခါ ပြည်ရွာလည်းပျက် ခုထက်တိုင်ပင် နူဝဲဖျင်လျှက် သျှင်ပင်ပြစ်ကြောင့် ဖြစ်သည်တည်းဟု ဤလည်းသျှင်မ နားတော်ပလော ဘ၀လည်းသုဉ်း ပျက်ဆုံးခန္ဓာ သံသရာဝယ် ပဉ္စာနန္ဒရိတ် တံဆိတ်မချွတ် ခံရတတ်သည် မကျွတ်ခန္ဓာ ကူးတည့်လေ ။
ကူးတည့်မှောက်တော် ဟုတ်တည့်သြော် ပေါင်တော်ကြောသား လောဘအားကြောင့် ယူကားယူမိ မချိဒုက္ခ ဘ၀သံသရာ ပဉ္စာနန္ဒ ကံကြီးလှသည် မလွတ်တည့်ပြစ်မီး သျှင်ပင်ဖီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၈)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသာနိုး အိပ်နားစိုးလော မင်းရိုးဆက်လာ မင်းလက်ယာ၏ သည်းချာစဉ်ရှည် ငါးဆက်လည်တွင် မှည်ကောလိယ မင်းလှတံခွန် ဘီးစောမွန်ကား ဆဒ္ဒါန်ဆင်ဖြူ ငွေတူလွလွ ဆယ်စီးရ၍ နတ်သလှံပျံ တမန်စေခါ ငန်းတာချချ ဆည်စေရလျှက် ဒီပပတ်ကုံး မင်းအားလုံးကို ပင့်ရုံးထံမှောက် အကုန်ရောက်မှ ငရကောက်မော် တောင်ကုန်းပေါ်ထက် သျှင်တော်ရုပ်ကြီး မဟာထီးကို ကောင်းခြီးနတ်လူ ဘ၀ဂ်ဆူမျှ အလှူကောင်းမှု တည်ထားပြုသည် ဗဟုကုသိုလ် ထူးတည့်လေ ။
ထူးတည့်မှောက်တော် ဟုတ်တည့်သြော် မင်းကောလိယ မင်းဓမ္မလျှင် ငရကောက်မော် တောင်ကုန်းပေါ်ထက် ကုသိုလ်ဖက်သည် ဘ၀ဂ်တည့်ပျံ့မွှီး လင်းရောင်ပြီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၁၉)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးတုံမယ်မိ နားတော်ဟိလော ကောလိယမင်း သားရင်းသည်းချာ ဒသရာဇာလျှင် မဟာမုနိ ဟိသည်အကြောင်း ပေါင်းလောင်းမြိုထီး သင်းကြီးညွှန်ထုတ် ဂါဝုတ်သျှစ်မည် ဗိုလ်ခြီစေ၍ အမှည်ဓည မြို့ချက်မ၀ယ် အဂ္ဂတညု တောင်ပုအဖျား ကနားဖွဲ့ပြီး ရွှီတောင်ထီးသို့ ကျောင်းကြီးရွှီဂူ တည်တော်မူက ဇမ္ဗူတကျွန်း တာငန်းချချ လုပ်ရသော်အား ဘုရားမည်သာ သာသနာဝယ် ဓမ္မသောက ဒသရာဇာ ဤနှစ်မြွှာသည် မျက်နှာမင်းချင်း ဖူးတည့်လေ ။
ဖူးတည့်မှောက်တော် ဟုတ်တည့်သြော် ရှိသော်ဓမ္မာ သင်္ကာယန ဗျာဒိတ်ရဘို့ ဒသရာဇာ လက်ထက်သာလျှင် မျက်နှာကြည်ရွှင် ဖူးကြလျှင်သည် သျှင်မင်းတည့်ကျောင်းကြီး ဂူတော်ထီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၀)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးပျပျ သားညီမကို ချီချရွေရွတ် တတွတ်တွတ်လျှင် ပျော်တတ်ရာရာ အောက်မိကာလျှင် နာနာလိုလို ယင့်ကာဆို၏ သံချိုသံခွန်း ဆန်းဆန်းထူးတူး မိသည်ကျူးအံ့ သွီးဦးရွှီခဲ မိပုလဲလျှင် နရွဲနရူ အပူအဆာ ငိုရာမဲ့လျှက် ရွှီပုခက်ဝယ် စုံမက်သနား မိစကားကို နားပါးသွင်းသွင်း အိပ်ပါလျှင်းလော သတင်းတေဇ နီတမျှတည့် ဒသရာဇာ ဘုန်းကြီးစွာသား အံ့အားလူဝယ် မယုံဖွယ်တည့် ခြောက်ဆယ်ဆင်ဖြူ ဗိုလ်လူမူကား နွားလားသင်းစု ခုနှစ်ခုမည် အကုဋေတိ ချေကစတုံ မိသည်းပုံသည် မိအုံလက်ဖျား လှူးတည့်လေ ။
လှူးတည့်မှောက်တော် ဟုတ်တည့်သြော် ဆိုသော်လူဝယ် မယုံဖွယ်တည့် ခြောက်ဆယ်ဆင်ဖြူ ဗိုလ်လူမူကား နွားလားခုနှစ် ရွီလစ်မတတ် ပုံယင်ထပ်သည် နတ်မင်းတည့်ကျော်သီး ပြည်သျှင်ကြီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၁)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးတုံချီချ တမြမြတည့် မင်းဘရင်သွီး သားတော်မြီး ခင်ဘီးကျော်စွာ ဒသရာဇာလျှင် ဓမ္မာသောက ဒါနဖက်၍ ခုနှစ်ရက်လုံးလုံး ကျွန်းကုန်းဇမ္ဗူ လှူတော်မူ၏ ကြည်ဖြူသော်အား ရှည်လျားထောင်တာ သာသနာလွန် နိဗ္ဗာန်သဘင် ပွဲပြုလျှင်မူ ပန်းတင်ဟေရုံ မြုံကားတံမြက် ဆွမ်းချက်လုပ်ကျွေး ကသည်းမြက်နှုတ် သင်ပုတ်ပုဂံ ဇလွန်ပုသိမ် လှူဒါန်းချိန်ပြီး ပုရိန်မြို့သက် သျှစ်ဆက်စွန်ဖျား မင်းဘုန်းစားလျှင် ဟူးရားကျမ်းလာ လေးမြို့မှာတည့် အညာခြိတ်မြို့ တည်ရာဖို့သည် ကတို့မြစ်ကမ်း ကူးတည့်လေ။
ကူးတည့်မှောက်တော် ဟုတ်တည့်သြော် ကုန်းတော်မို့မို့ သဲတောင်ပို့ဝယ် ခြိတ်မြို့သာစည် ဘုန်းစားတည်သည် ရီကြည်တည့်မ၀ီး ကမ်းထောင်းနီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၂)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်တခြင်း ထိုမြို့တွင်းဝယ် သုံးမင်းတွင်လာ ကြမ္မာကုန်လတ် မတ်စလင်းဗိုလ် ငြိုးသိုရန်ခင်း ပုန်ကန်လျှင်း၍ ကင်းခယ့်တချက် စမ္ပ၀က်၌ အသက်သုံးနှစ် ခန္ဓာပစ်မှ တိုင်းချစ်တွင်မှည် စိုးမင်းသည်ကို ပြည်၌ဗိုလ်လူ ကြိုက်မူသနား မင်းရိုးသားဟု မြှောက်စားစီရင် ဘိသိက်တင်မှ ထိုတွင်မထောင် တောင်၏တူရူ မြို့တောင်ငူ၌ တည်မူမပျက် ဆယ့်ခြောက်ဆက်တွင် မြို့သက်ကုန်ပြီး မြစ်ကြီးကူးလျှက် မြို့နောက်ဖက်ဝယ် လောင်းကြက်မှည်ခေါ် မြို့သာကျော်ကို အလော်မာဖြူ တည်တော်မူသည် အယူကြံစည် ထူးတည့်လေ ။
ထူးတည့်မှောက်တော် ဟုတ်တည့်သြော် အလော်မာဖြူ မြို့တောင်ငူက ကြံယူစူးစူး လောင်းကြက်ကူး၍ အထူးမြို့မွန် တည်လတ်ပြန်သည် ရန်မာန်တည့်ငြိမ်းအီး ကြောက်ကင်းဝီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၃)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသံခြေ မိမြုတ္တေကို စေ့ရေမိခင် ပြောပါကျင်အံ့ ဘီးခင်ကြီးစွာ အလောမာလျှင် တည်လာလောင်းကြက် ထိုမြို့ထက်၌ ဖြူရွက်ဖြန့်ကြုံး ငါးယောက်ဆုံးတွင် မှားသျှုံးကြံသီး နန်းကျကြီးကား မီးထက်မက ပြည်ပပြည်တွင်း ဒါးတစင်းမျှ မဟိရတည်း ကျနကောက်ငင် ပူဆာအင်နှင့် ဆွေလင်နှစ်မည် အိမ်ထောင်တည်၍ စည်သဘင်ကြီး သမီးလှစွာ ပန်းနီလာကို အာသာမက်မက် လောဘတက်၍ ရက်ရက်ယူပြီး မတ်ကြီးခေါင်ဖျား ဘနှစ်ပါးကို ငြိုးထားကြီးစွာ ဖျက်ဆီးလာသည် မိစ္ဆာကျင့်ညစ် ညူးတည့်လေ ။
ညူးတည့်မှောက်တော် ဟုတ်တည့်သြော် မတော်ကျင့်ညစ် ကြင်ချစ်လင်မှီး ဇနီးသည်းလျာ ပန်းနီလာကို ခွာ၍ယူပြီး မတ်ကြီးနှစ်ဆူ ဘကိုမူလည်း အပူအဆာ ဖျက်ဆီးလာသည် မိစ္ဆာတည့်ညစ်ညီး မှောင်မိုက်မီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၄)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်ပြတ်ပြတ် ကျူးရွေရွတ်အံ့ ထိုမတ်နှစ်ပါး ကြံစည်ထား၍ ဆီးဝါးမန္တန် တတ်ပွန်အန္ဓီ ဇော်ဂီဝိဇ္ဇာ ပညာစီရင် ဘိလုလင်သား သျှင်စိတြ နရဒကို ရလစ်မချွတ် ဆရာမှတ်၍ ကြည်ညွတ်ရိုသီ တောင်းပန်လီသော် ညီညီညာညာ နာနာရုပ်ဟန် ဖန်ဖန်ဆင်းဆင်း လိုက်လီလျင်းမူ လွတ်ခြင်းမထင် ဂူထဲဝင်လျှက် သျှင်တော်ရုပ်ထု ကိုယ့်ကောင်းမှုတွင် ပြုတုံသစ္စာ အဓိဌာကား တခါနောင်ဝယ် ဖြစ်ပြန်လည်၍ ငါသည်သျှင်မင်း ရန်ကိုခွင်းမှ ခြီရင်းသျှင့်မှာ သွီးလက်ရာမူ ကျီသောဝ်ဟူသည် နတ်လူအံ့မိန့် မူးတည့်လေ ။
မူးတည့်မှောက်တော် ဟုတ်တည့်သြော် ရွီသော်နှစ်ကျိပ် ဖြူရိပ်ဖွီးဖွီး နှစ်ယောက်ပြီးသော် ဖီးကြီးရန်ခြစ် မင်းခေါင်ဖြစ်က ကြဲလစ်တည့်နီတွီး လက်ရာသွီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၅)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးပိမ့်စဉ်ကွင်း မကောင်းခြင်းဖြင့် ထိုမင်းနှင့်သား နှစ်ပါးစုံလွန် နောက်ဆုံးစွန်တွင် ကောင်းမွန်ယဉ်ဘိ လောင်းဗေါဓိဟု ဇာတိအမြတ် အထွဋ်ထိပ်သီး ဘုရင်ထီးကို ရှုညီးမယ်တော် ဖွားလတ်သော်လျှင် နုဘော်တေဇ ဘလက်နက်၏ သံလျက်တောက်ရောင် နန်းလုံးပြောင်၍ ဘဇောင်ခြင်းရာ သားကြောင့်ငါကား ခန္ဓာအသက် တိုအံ့လျှက်ဟု ပုခက်နှင့်ရစ် ရီဝယ်ပစ်လည်း မနစ်ထိုရော် စက်ဝန်းပေါ်က ပူဇော်နတ်ရို့ ပြန်ဆက်ပို့သော် ယိုးသို့တဖန် ထုတ်လီပြန်မူ ပူပန်သော်အား မိဖုရားနှင့် မှူးများမတ်ဗိုလ် ဘကိုပယ်လစ် ခုနှစ်နှစ်တွင် ရိုချစ်ကြည်လင် ထီးနန်းတင်သည် ရီစင်သွန်းကြဲ ဖြူးတည့်လေ ။
ဖြူးတည့်မှောက်တော် ဟုတ်တည့်သြော် မယ်တော်မက မတ်ကစ၍ ဘကိုပါယ်လစ် ခုနှစ်နှစ်ကြီး မင်းထီးမှည်ခေါ် ဘီးလောင်းတော်ကို ပူဇော်လူနတ် အားလုံးညွတ်သည် အထွဋ်တည့်ထိပ်သီး ဘုရင်ထီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၆)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသံချီ စဉ်ကာရွီပိမ့် ညီညာကျင့်ထုံး နှလုံးမလစ် မင်းဖြစ်သုံးဆယ် သုံးနှစ်ဝယ်တွင် ကြီးကျယ်တိုင်းကား ၀န်းလျားကြေငြာ မြန်မာတလိုင်း သျှမ်းသာဝိုင်းလျှက် သက်ရိုင်းနှင့်မြုံ ဥသုံရောင်းရောင်း ထောင်းထောင်းပုန်ကန် ထိုမီးရန်ကို တွန်းလှန်ပစ်မည် စိတ်ကရည်လျှက် ထိုသည်မင်းထီး ဘီးမင်းကြီးကား ပုတီးလက်တွင် ဘုရားတင်လျှက် ကိုယ်ပင်ရှိဦး စစ်တပ်ဦးဝယ် သုံးဦးတပ်မင်း သုံးသင်းစစ်ခြီ သုံးဖြာညီ၍ အောင်မြီစစ်စစ် မိုးကြိုးပစ်သို့ ငယ်ဖြစ်ပျော်မွိ အိမ်ရှိခုနှစ် ဖြစ်တုံနန်းမ တရာ့ခြောက်မည် နန်းသက်ရှည်သည် နတ်ပြည်ဘ၀ ကူးတည့်လေ ။
ကူးတည့်မှောက်တော် ဟုတ်တည့်သြော် ငယ်သော်ခုနှစ် အိမ်ရှိဖြစ်ကို ပစ်၍ရွီသော် ရွှီနန်းပေါ်ထက် အသက်တရာ့ ခြောက်နှစ်ပသည် ဘ၀တည့်ပြောင်မွှီး နတ်ပြည်ကြီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၇)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသံခွန်း အဆန်းဆန်းတည့် စီတန်းကောင်းခင် မိုးသက်တင်သို့ တမျှင်မကျိုး သျှင့်ဘီးဘိုးကား နန်းရိုးစည်ပင် သာကီဝင်ဟု နွယ်လျှင်မပျက် သားမြီးဆက်၏ လောင်းကြက်တွင်မူ ရိပ်ဖြူဖွေဖွေး တဆယ့်လေးဝယ် ခင်မည်းဆုံးစွန် မင်းစောမွန်လျှင် တရံတထောက် ကျိန်းခန်းလျှောက်ဖြင့် အနောက်သူရတန် ပဌာန်မင်းနီ ပြည်ရောက်ခီ၍ ပြန်လီထိုခါ မြို့ကောင်းရာကို ရှာတုံအကျော် ရေးကြီးမြော်သည် မြင်သော်လီသို့ ဟူးတည့်လေ ။
ဟူးတည့်မှောက်တော် ဟုတ်တည့်သြော် ထိုရော်တဖန် ဘီးစောမွန်လျှင် ရောက်ပြန်လာလျှက် မြို့လောင်းကြက်ကို မြို့သက်ကုန်မဲ့ မနီကဲ့ဟု မျှော်ကြည့်စာနာ မြို့ကောင်းရာကို ရှာသည်တည့်နောင်ရီး ဖီးကင်းဝီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၈)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးကာယင့်ဖျော် မွီးမယ်တော်ကို အိပ်ပျော်စီကြောင်း ဆုလည်းတောင်းအံ့ မြို့ကောင်းရာကို ရှာသည်မူကား သိကြားနတ်မြင် ဗေဒင်စနည်း ၀သဲမြောက်ဦး ခေါ်ထူးကာပျောက် ချီဟောက်သံကြား ကျားကားလန့်ယှောင် ကြောင်မူပြီးထွက် ကြွက်ကားလိုက်နီ မြွီကိုဖားနိုင် တြင်းဆိုင်လျှက် ရခိုင်မှန်ဖူး မြို့မြောက်ဦးကို နတ်မှူးညွန်ပြ နန်းရာရသည် ဘုမ္မိနက်သန် ထူးတည့်လေ ။
ထူးတည့်မှောက်တော် ဟုတ်တည့်သြေ် ပေါ်တုံတြင်း အောင်ခြင်းမဏ္ဍိုင် ရခိုင်မှန်ဖူး မြောက်ဦးမှည်သာ မြို့အောင်ချာသည် နန်းရာတည့်တည်ရီး တြင်းပီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၂၉)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးတုံတုံ စုံစုံမက်မက် ဆက်ဆက်လွန်လီ အတေတီတိ မရွီနိုင်ဘဲ ၀မ်းလျှင်ကွဲမျှ သည်းထဲပူပန် ၀ှန်တုံကြက်သီး ဘီးကြီးဘီးလျှင် များဖျင်ပြည့်လှိုင် ရခိုင်မှည်သာ မဟာသမတ ခေတ္တိယ၏ ခက်မှတသွယ် အနွယ်ထိုမှ နီလပုံခင်း ထွန်းပယင်းသို့ ချစ်တင်းစကား နာသာငြား၏ ထံပါးတဖော် သျှင့်ကိုဖျော်၍ မယ်တော်သျှင်မ ကျူးပါကလျှင် နားဝဆိမ့်ဆိမ့် နားနှစ်သိမ့်လျှက် ငြိမ့်ငြိမ့်စက်တော် ခေါ်ပါတုံမူ နရူနရွဲ ပူဆာနည်းသည် သည်းအူမိဝမ်း နူးတည့်လေ ။
နူးတည့်မှောက်တော် ဟုတ်တည့်သြော် ထီးတော်ပွင့်လှစ် နန်းတော်၌၀ယ် ချစ်သံရွှမ်းရွှမ်း ၀န်းဝန်းလည်းအုပ် ကိုယ်လုပ်တော်ပေါင်း မြနဒေါင်းကို တင့်ကြောင်းအမှန် ပန်းနှယ်ပန်သည် အလွန်တည့်ကြိုင်အီး ပန်းသို့မွှီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၃၀)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးလျှက်မပြတ် ကျူးသံရွတ်ပိမ့် ဘီးလတ်ဘီးကြီး ထိန်ညီးဝီ၀ီ သပြီညွန့်ဖူး မြောက်ဦးမြို့မ အစပြုပြန် မင်းစောမွန်ကား နိဗ္ဗာန်ကျင့်ထူး ပွင့်ဖူးနွယ်မြစ် ကိုးနှင့်တစ်တွင် စင်စစ်မမှား ငါးပါးလှူကြီး စွန့်ခယ့်ပြီးစွာ ခန္ဓာတော်သက် ရှည်အံ့လျှက်တည်း ချင့်တွက်ပြိုင်ခိုင်း ပြည်နှင့်နှိုင်း၍ တိုင်းကားပြည်ရွာ နောင်လာရှည်လျား စီးပွားကိုသာ ငါကြိုက်ပါ၏ ငါသာအသီ ဆုံးပါစီဟု လေးလီလေးပါး နတ်ဟူးရားရို့ မြို့ကားထောင်ပွား မင်းကားသက်တို မြင်တိုင်းဆို၏ ကိုယ်ကိုမချစ် မင်းကောင်းဖြစ်ဖြင့် အသစ်ရွှီပြည် ထီးနန်းတည်သည် သျှစ်မှည်ရန်သူ ရူးတည့်လေ ။
ရူးတည့်မှောက်တော် ဟုတ်တည့်သြော် လောင်းတော်စောမြတ် အထွဋ်မှန်စစ် ဓမ္မရာဇ်ကား ကြစ်ချစ်နှစ်လို့ ထောင်ကိန်းမြို့ဟု သူဖို့ကိုသာ ချစ်မိတ္တာသည် ရှာသည်တည့်မ၀ီး ကိုယ့်သက်ပီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၃၁)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးတုံတခြင်း စက္ကြာမင်းရို့ နီခင်းထိုက်ရာ လက်ယာရစ်ထက် ဘုမ္မိနက်၌ ရွီတွက်သက္ကရာဇ် ခုနှစ်ကိုးဆယ် စွန်းဝယ်နှစ်သော် လတော်သလင်း လျှံဝင်းထိန်ဘိ ရ၀ိနီထွက် ဆန်းတရက်ဝယ် ကန်လဂ်ကန်စန်း မြို့နှင့်နန်းကို ကျိန်းခန်းစင်စစ် တည်တုံလစ်၍ သုံးနှစ်ခန္ဓာ ပြောင်းမည်ခါလည်း မင်္ဂလာကြောင်း မင်းကောင်းဝေသန် မတန်လို့ရာ လွန်မည်ခါ၌ သည်းချာနှစ်ဦး ပြည်မှူးမလုံ ငယ်သိတုံဟု ဥသုံဗိုလ်လှဲ မြတ်လေးလွန်ကြင် ညီတော်ခင်ကို လက်ငင်ရွှီနန်း တင်မည်မှန်းသည် တောက်ထွန်းရောင်တော် ဦးတည့်လေ ။
ဦးတည့်မှောက်တော် ဟုတ်တည့်သြော် လေးဖော်မျိုးစု ကျိုးကောင်းမှုကြောင့် မရှုစီးပွား သားနှစ်ပါးကို ပါယ်ထားတုံပြီး ညီတော်ထွီးအား ရွှီထီးတည့်တင်ပီး နောင်တော်ကြီး ဧျီးယင်ယင်ဧျီး ။ ။
ရခိုင်မင်းသမီးဧခြင်း အပိုဒ် (၃၂)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးကာကျူးပိမ့် မြောက်ဦးဒီမ နန်းသိင်္ဂကို စိုးထထိုရော် ဘီးသူတော်နှင့် တဖော်နောင်မွီး ဘီးညီထွီးကား ဆင်စီးမြင်းတက် မြို့ပြင်ထွက်သော် ပုခက်တွင်းသား ငိုသံကြားက သနားချစ်ကြင် မင်းလီခင်သည် လွန်ပင်ဆုကျေး ဇူးတည့်လေ ။
ဇူးတည့်မှောက်တော် ဟုတ်ည့်သြော် ဖန်ဆော်မစ ရွာတိုင်းကြွ၍ မိဘသဖွယ် ပြည်သူအများ သူငယ်အားကို သနားချစ်ခင် မြတ်နိုးကြင်သည် ဘခင်တည့်ရင်သွီး ကျေးဇူးကြီး ဧျီးယင်ယင်ဧျီး ။
ရခိုင်မင်းသမီးဧခြင်း အပိုဒ် (၃၃)
======================
(ဧျီးယင်ဧျီးယင် ဧျီးယင့်ယင် ယင်ယင်လေးဧျီး ဧျီးလေဧျီး ဧျီးယင်ယင်းဧျီး)
ဧျီးဧျီးသံချို လွှဲကာဆိုအံ့ ထိုဘ၀သျှင် မင်းလီခင်၏ ရင်ခွင်ပိုက်နှော ဘစောမင်းဖြူ သားတော်မူလည်း ရန်သူကြောက်ကောင်း လှဲကြောင်းကမံ ကျင်လည်ဟန်ကား ပစ်မှန်လီရာ တစ်ထွာသံထု နှစ်ခုကွဲအက် ကြောက်မက်စကောင်း တသောင်းမလောက် ခွန်အားမြောက်သည် ရွံ့ကြောက်ပြိုင်သူ မူးတည့်လေ ။
မူးတည့်မှောက်တော် ဟုတ်တည့်သြော် ရွယ်သော်ပစ်မှန် ခွန်အားကြီးမြောက် ရွံ့ကြောက်ဇမ္ဗူ ဘစောဖြူကို ရန်သူနားဝ ကြားကမိုးစွန် ကြက်သီးဝှန်သည် အလွန်တည့်ကြောက်ကြီး ထွက်ကာပြီး ဧျီးယင်ယင်ဧျီး ။ ။
အမတ်ကြီးဖဒူမင်းညို ရွီးစပ်သော ဘစောဖြူမင်းသမီးဧခြင်း ဤတွင်ပြီး၏။ ခရစ်သက္ကရာဇ် ၂၀၁၆ ခု စက်တင်ဘာလ (၁) ရက် (ကသစ်ဗုဒ္ဓိ) နိ မိုးထက် (၆) ချက်တီးခွဲအချိန်တွင် ပြီးပြည့်စုံသည်။ ရခိုင်ပေါင်းကူးသာလှဦး ကောင်းမှုတော်ဖြစ်ပါသည် ဘြရား။
ရမ်းပြည့်သရက်ချောင်းမူတွင် (ဖဒူ) ကို (ပဒူ) ဟူ၍ စာလုံးပေါင်းသည်။ ဟံသာဝတီမူ၌ကဲ့သို့ (အဒူ) ဟူ၍ (အ) နှင့်စာလုံးမပေါင်းဘဲ (ပဒူ) ဟူ၍ (ပ) နှင့် စာလုံးပေါင်းသည်ကို တွိရသည်။
