အိမ်ကြီးရခိုင် စည်ကြီးမြိုင်မြိုင်
======================
သာစွမယေမင်္ဂလာ အောင်ကြောင်းဖြာကေ
ဘယာကင်ဝီး များသူငါလေ
ဗျာပါမီးရို့ ငြိမ်းအီးပါစီ
တောင်းဆုဝီလျှက် စာစီသွယ်တန်း
ရွှီဘဝင်မှာ သဇင်ပန်းနှင့်
ဆင်မြန်းတိုင်တည် အဖပြည်ကို
ဂုဏ်ရည်မညှိုး မြတ်ကဗျာလေ
စီကာပျိုးကေ မျိုးရိုးစိုင်လာ
ခိုင်အမာနှင့် လင်္ကာရတု
ဗိသုကာလေ စာအနုရို့
သုခုမဂုဏ်ရောင် ရွှန်းရွှန်းပြောင်သည်
ဗြိန်းစောင်တီးကေ သာစွလေ
သာယာအီးလေ သာစွလေ။
ဗြိန်းစောင်တီးကေ ကြက်သီးဖြန်းဖြန်း
တုန်လို့ဟီးကေ ကြောက်ကြီးဘနန်း
ရခိုင်ပြည်မှာ အောင်စည်ရွှန်းကေ
အောင်ခန်းလီလီ အောင်နိမိတ်ကေ
အောင်ဘိသိက်နှင့် ဗျာဒိတ်မြီမှာ
စီရီရီကေ ဝီဆာပွင့်ဖူး
စာကဗျာလေ လင်္ကာကျူးလို့
ထူးခြားထင်ပေါ် ဝရဇိန်လေ
ထိန်ကာကြိုးကေ ဟိုးဟိုးကျော်ရေ
သာစွလေ သာယာအီးလေ သာစွလေ။
ဟိုးဟိုးကျော်ကေ မည်ခေါ်နာမ
ရာဇဝင်မှာ ထင်ပေါ်ခသည့်
အလှတန်ဆောင် ထွန်းလင်းပြောင်ဖို့
စွမ်းဆောင်ကြိုးစား ပြည်မဏ္ဍိုင်မှာ
တခိုင်ဖွားကေ ရခိုင်သားလေ
အားမာန်မလျော့ စိတ်မပျော့ဘဲ
ပေါ့ပေါ့မနီ ကိုယ်စီတာဝန်
မကျန်မကြွင်း ကိုယ့်ရွာလမ်းကို
ကိုယ်လျှင်ခင်းလို့ အချင်းချင်းကေ
ရိုင်းပင်းကူညီ လေးဝတီကေ
ညီကိုမောင်နှမ ပြည်ရခိုင်မှာ
အစိုင်ထွန်းကေ လက်စွမ်းပြဖို့
ကာလယခု စုစည်းမှုကို
ပြုကတ်ပါလီ သက်သီတည်ပြု
ပေါင်းစုညီညွတ် လုပ်ဆောင်ကတ်မှ
မျိုးမြတ်သာကီ ကမ္ဘာပေါ်မှာ
တေဇာလွှမ်းကေ ပေါ်ထွန်းစီမေ
သာစွလေ သာယာအီးလေ သာစွလေ
ရခိုင်သားလေ သာစွလေ။
(အောင်အောင် နတ်ဆိတ်)
