အဘာမက္ကလာ

အဘာမက္ကလာ
========

ဘာဘာရက်တေ မက္ကလာ
ကုလားတန်ဖျားက ဝါးကိုဖြာ။
နှီးချင်းယှက်ပျာ ရက်လုပ်ထား
အကွက်အဆန်း လှရေကား။

ပီချောင်းဖျားက ဖက်သလူ
ရွက်ချင်းစပ်ဖို့ ဂြုတ်ချေကူ။

လေးမြို့ကယူ ကြိမ်နွယ်လုံး
အနားကွပ်ဖို့ ဘာဘာသုံး။

ကြိမ် ၀ါး သလူ ပေါင်းစပ်ကူ
ဇာသူလာခြောက် ငါမကြောက်
(မိုးလား နီလား ဝါး)

(ဓညဝတီမောင်အေး)

ဂြုတ်ချေ = အနားဂျိတ်ပါသော ကွပ်စူးတမျိုး

ပြိုင်လောင်းသံကျပ်

ပြိုင်လောင်းသံကျပ်

==========

ကိုးစိပ်ကိုးလံ ကိုးပင်းကန်

ကျင်သန်တိရာ တက်ပျာစီးလို့

မဟာလောင်းကြီးထွက်လို့လာ

ဇမ္ဗူဒီပါ လက်ယာကျွန်းမှာ

ထွန်းရေနီလ ပုံပမာ

သတင်းကြေငြာ နာမည်ကြီး

ပြိုင်လောင်းဦးစီး "ဆရာအောင်"

သူကရှိဆောင် လမ်းညွှန်ပြလို့

ပြိုင်လောင်းဝမ်းမ ပင်းကန်မှာ

ရှိနောက်ဘယ်ညာ နီရာစိအောင်

လူစိတက်စိ ထိုင်ပြီးသကာ

ဦးစီးဆရာ ချရေတက်နှင့်

မပျက်မကွက် ညီညီညာ

ရီပန်းဖွားအောင် တက်ကိုစွဲလို့

တဟုန်တည်းနှင့် ထွက်လီခါ

ပြိုင်လောင်းပဲ့မှာ "ဆရာထွန်း" က

ရပ်စောက်ထလို့ ရှိကိုမျှော်

သူ့လက်စွဲတော် ထိုတက်မကို

မြာဒင်ထက်က နောင်းနောင်းကိုင်

မယိမ်းမယိုင် လှီမစောင်းအောင်

ဖြောင့်ဖြောင့်တန်းတန်း ကိုင်လို့လာ

ဇာသူတခါ ပြိုင်ဝံ့ဖို့လဲ

အပွဲပွဲ နွှဲလို့လာ ယှုံးရေဆိုစွာ ငါရို့မဟိ။

ရခိုင်ပြိုင်လောင်းသံကျပ်တိကို စုဆောင်းထားဟိသူများ သံကျပ် (အစ/အဆုံး) (အပြည့်အစုံ) တိကို ကျေးဇူးပြု၍ ပို့တင်ပီးကတ်စီချင်ပါသည်။