ရခိုင်ဟူသည်
==========
ရခိုင်ဟူသည်
ဇမ္ဗူတခွင် သမိုင်တွင်ပြီး
မြတ်သျှင်ဗုဒ္ဓ ကိုယ်တိုင်ကြွ၍
သာသနာ့ရောင်ဝါ ထွန်းလင်းဖြာလျှက်
သဒ္ဒါယိုဖိတ် ကြည်ဖြူစိတ်ကြောင့်
အီးရိပ်သာယာ ပြည်ရွာဝဖြိုး
တန်ခိုးဂုဏ်ရောင် ထွန်းလင်းပြောင်လို့
လူ့ဘောင်သင်းကြိုင် မျိုးရခိုင် --။
ရခိုင်ဟူသည်
ကူညီရိုင်းပင်း စောင့်ရှောက်ခြင်းဖြင့်
ရင်တွင်းပန်းငုံ မွှီးပျံ့ထုံသို့
လုံခြုံသိက္ခာ ဝတ်ဆင်လာပြီး
ဇာတိပုည ဂုဏ်မာနနှင့်
အစဉ်အလာ ဘာသာမြတ်နိုး
လူမျိုးမွှီးကြိုင် မျိုးရခိုင် --။
ရခိုင်ဟူသည်
အလှူဒါန မြတ်သီလနှင့်
ဘာဝနာတရား လက်ကိုင်ထား၍
အများအကျိုး ထမ်းသယ်ပိုးပြီး
အမျိုးသားရီး လှပရီးတွက်
ပီးဆပ်တာဝန် မှန်ကျီပွန်ကာ
ကိုယ့်မာန်ကိုယ့်အား ရင်မာပွားလျှက်
ကြီးမားကြံ့ခိုင် မျိုးရခိုင် --။
ရခိုင်ဟူသည်
ပူပင်မှုယှင်း ဝန်တိုကင်း၍
ရင်းနှီးဆက်ဆံ သည်းခံခွင့်လွှတ်
မွန်မြတ်စိတ်ထား ကြင်နာပွားလျှက်
ကြီးမားစဉ်လာ ကိုယ့်ရိုးရာနှင့်
စာပီဂီတ သုခုမရို့
ရတု ရကန် အဲအန်မော်ကွန်း
ဆန်းအလင်္ကာ သာယာတေးသံ
ဇာတိမာန်နှင့် ဂန္တ၀င်စစ်
အမွီနှစ်များ ထင်ရှားကျော်ကြား
ခမ်းနားမွှီးကြိုင် မျိုးရခိုင် --။ ။
ဖြူဖွေး (နောင်မင်းမြီ)
Sunday, September 12, 2021
ရခိုင်ဟူသည်
Sunday, August 29, 2021
အိမ်ကြီးရခိုင် စည်ကြီးမြိုင်မြိုင်
အိမ်ကြီးရခိုင် စည်ကြီးမြိုင်မြိုင်
======================
Friday, August 27, 2021
ဘင်္ဂလားအဝကျွန်းသို့
ဘင်္ဂလားအဝကျွန်းသို့
================
ကံဆိုးမိုးမှောင် ကျယင်းနှောင်၍
ပြည်ထောင်ရက္ခ ချက်မြှုတ်မှလျှင်
များလှရန်စွယ် အန္တရာယ်ကို
ယှောင်ဖယ်လိုဘိ ထိုအသိကြောင့်
မိမိနီရာ ဖေါင်းခါးရွာက
လျှင်စွာအပြီး လောင်းလှီကြီးနှင့်
ခရီးရီပြင် သီတာခွင်ကို
(တပိုဒ်ကျန်ခပုံရပါသည်။)
ရီနီဆိုးကြမ်း ခရီးလမ်းမှာ
ငါးမန်းငါးဆင် ငါးဘုရင်လည်း
လောင်းတွင်လာကပ် ရန်မူလတ်၍
သတ်မည့်အယောင် ခေါင်းကိုထောင်လျှက်
မျှောင်လာငါးဘုရင် ပင်လယ်ပြင်၌
ရင်ဆိုင်တွိရ ငိုမိရ၏။
ပြည်မှအထွက် အနောက်ဖက်သို့
တည်လျှက်လောင်းကို နီညိုညိုတွင်
လီချိုပြင်းထန် ထလတ်ပြန်၍
မမှန်ဥတု ဖေါက်ပြန်မှုက
ရာသီလုချိန် မိုးမငြိမ်ပဲ
ထသည့်လှိုင်းဆိုး ရက်ခေါက်ကျိုးကာ
အိမ်မိုးခေါင်သွင် တောင်ယောင်ထင်၏။
သမုဒ္ဒရာ ခရီးမှာမူ
များစွာဖီးရန် အတန်တန်ကြောင့်
ကြံဖန်ကြိုးကုတ် နောက်ပြန်ဆုတ်လည်း
အယုတ်များစွာ မသမာနှင့်
ဆိုင်ကာဖီးတွိ သီနိစိဖို့
လားမိလားရာ ရောက်လီပါသော်
ကြီးစွာရန်မီး လှိုင်းလီကြီးနှင့်
ခရီးထွက်လာ ငါးရက်ကြာသည်
ကျွန်းသာအနောက် ရောက်လီ၏။
ထွက်လာပြီးနောက် ကျွန်းသို့ရောက်လည်း
ဝမ်းမြောက်စရာ မဟိပါတည်း
ကျွန်းမှာကျွန်းရိုင်း တောခြုံဆိုင်း၍
အုံ့မှိုင်းထူထပ် ကြားမလပ်ပဲ
ထွီးညှပ်ယှက်ပွီ များသည်သရဲ
တောကျွဲမြွီကျား ဖီးရန်များကာ
ဟိငြားမကန် ကျွန်းရိုင်းမှန်၏။
တန်တန်ရန်သူ ရီ၌မူလည်း
တောဆူမီးကျောင်း ကြောက်ဖွယ်ကောင်း၏
တကြောင်းများထူ ကြွက်ရန်သူလည်း
ဆူပူသောင်းကျန်း တောခြုံလွှမ်း၏
စိတ်နွမ်းမအီး ထိုရန်ဖီးကြောင့်
အသီးအနှံ ဆုံးရပြန်သော်
စားရန်ဝမ်းစာ မလောက်ပါ၍
ရံခါရက်ပြတ် ထမင်းငတ်၏
လိုက်လတ်ဝိဘက် ထိုဒဏ်ချက်မှ
ကျွတ်ထွက်စီလို တောင်းဆုဆိုရေ
နောင်ကိုသတိ ဝဋ်မငြိအောင်
အသိဓမ္မ ဟိကတ်မှရာ
လွတ်ဟိပါမည် အောင်မြင်မည်တည့်။
တောရိုင်းထဲတွင် ဖီးကိုမြင်၍
ပြန်ချင်သောဇော စိတ်အမောတွင်
သဘောပေါ်မိ အာရုံဟိလည်း
မရွိနိုင်ပါ သီတာခြားလျှက်
ဇာဖက်ဇာမှာ ဇာကမ်းသာသို့
လားဖို့လမ်းပင် မှန်းမမြင်ပဲ
အရှင်ငရဲ ကျခြင်းတည့်။
ရခိုင်ခွင်ကို ပြန်ဝင်ရေးကား
တွေး၍မရ ဘဝဇာပိုင်
အေလူရို့မှာ မတွိနိုင်ပါ
ထွက်လာချိန်တွင် စိတ်ဘဝင်လည်း
မရွှင်ညှိုးနွမ်း မျက်ရည်သွန်းလျှက်
တမ်းတမ်းတတ ရိပန်းလှ၏။
ထွက်ရအခက် နီအခက်နှင့်
မသက်မသာ လားရပါ၍
ဆရာသျှင်ကောင်း ရွာဦးကျောင်းက
ဦးနန္ဒကို မလျှောက်ခရ
တရက်မျှနှင့် စုရအိမ်ဝန်
ဆန်ဆီငပိ ဆုံကျမွိနှင့်
ဝါစိမျိုးမှန် စပါးမချန်ပဲ
ပိုက်ကွန်ယက်သဲ့ စုံအောင်ထည့်၍
အပြည့်မကန် ယူရပြန်၏။
ဆိုးလှဇာတာ ချက်မြှုတ်ရွာတွင်
နီချင်ပါလည်း ပြည်ရွာမငြိမ်
မနီခရ ထွက်ပြီးရရေ
ဒုက္ခဖုံဖုံ ခံရပုံကို
စိစုံသိရန် ရွီးပြပြန်သည်
အမှန်ငါရို့ ပွဲတွိတည်း။ ။
ဝရာဇ်မြီမဂ္ဂဇင်း အမှတ် (၄) ဟုထင်ပါသည်။
ကျေးဇူးပြု၍ လက်ထဲ၌ဟိသူများ ဖော်ထုတ်ပီးကတ်ပါ။
Monday, June 14, 2021
အဘာမက္ကလာ
အဘာမက္ကလာ
========
ဘာဘာရက်တေ မက္ကလာ
ကုလားတန်ဖျားက ဝါးကိုဖြာ။
နှီးချင်းယှက်ပျာ ရက်လုပ်ထား
အကွက်အဆန်း လှရေကား။
ပီချောင်းဖျားက ဖက်သလူ
ရွက်ချင်းစပ်ဖို့ ဂြုတ်ချေကူ။
လေးမြို့ကယူ ကြိမ်နွယ်လုံး
အနားကွပ်ဖို့ ဘာဘာသုံး။
ကြိမ် ၀ါး သလူ ပေါင်းစပ်ကူ
ဇာသူလာခြောက် ငါမကြောက်
(မိုးလား နီလား ဝါး)
(ဓညဝတီမောင်အေး)
ဂြုတ်ချေ = အနားဂျိတ်ပါသော ကွပ်စူးတမျိုး
ပြိုင်လောင်းသံကျပ်
Sunday, February 28, 2021
ကဝိပဏ္ဍိတ်မော်ကွန်း
ကဝိပဏ္ဍိတ်မော်ကွန်း
ဘဒ္ဒကမ္ဘာ၊ တည်လာအစ၊ နရသာမိ၊ ဘူပတိလျှင်၊ မုနိလောင်းလျာ၊ မဟာသမ္မတ၊ ထိုကနွယ်လာ၊ ဆက်ကာစိုးဘိ၊ မဇ္ဈိရဋ္ဌ၊ ဒေသတတိုင်း၊ ယှဉ်နှိုင်းတဝ၊ မဟီသက၊ မဏ္ဍလတွင်၊ ပြည်မသညီ၊ ဝေသာလီက၊ စချီရှိခါ၊ ဓညာမည်ရ၊ ရက္ခမဏ္ဍိုင်၊ ရခိုင်ကြငှန်း၊ နန်းနှင့်ထီးစည်၊ ပြည်နှင့်မင်းဆက်၊ မပျက်မကွဲ၊ နန်းပွဲမြင့်ကြာ၊ မြို့ဓညာကို၊ အုပ်ကာစိုးထ၊ စန္ဒသူရိယ၊ စိုးရသခင်၊ မြတ်ဗုဒ္ဓင်ကို၊ ဖူးမြင်လိုဘိ၊ ပင့်ဖိတ်ဘိ၍၊ ကြွလာဟိသော်၊ တောင်ထိပ်ပေါ်သို့၊ ရောက်သော်နဂါး၊ ဘုရားအထံ၊ ဝန္ဒ္ဒိတံပြု၊ သုံးလုဘုန်းမွန်၊ သရဏံနှင့်၊ ပဉ္စံသီလ၊ ပီးရပြီးခါ၊ ကိုးကွယ်ရာကို၊ မကြာတောင်းလျှင်၊ မြတ်ဗုဒ္ဓင်္က၊ ဦးတွင်သုံးသပ်၊ ဆံမြတ်လေးဆူ၊ ပီးယူပြီးခါ၊ သင်ရို့ရွာ၌၊ နီလာတောင်ထွဋ်၊ မွန်မြတ်ယခင်၊ မြတ်ဗုဒ္ဓင်သည်၊ တပင်ဓာတ်ဆံ၊ တည်ဖူးပြန်၏၊ အမှန်လေးဆူ၊ နတ်လူတိုင်းခွင်၊ ဆံရှင်တော်ဓာတ်၊ စေတီမြတ်ကို၊ လုံးပတ်ဆယ့်ခြောက်၊ မြင့်မှောက်လေးတောင်၊ ပုံဆောင်ပြုဘိ၊ မိန့်တော်ဟိလိုက်၊ သက္ကရာဇ်မှာ၊ အစ်ဒွယာတိ၊ သာခိကဆုန်၊ လမြတ်ကြုံက၊ ဝရဒိဝါ၊ ရက်မှာကဠုံ၊ ပြည့်စုံပြီးမြောက်၊ မျက်မှောက်ထင်စွာ၊ ဆဗ္ဗဏ္ဏာကို၊ ရာဇာဘုရင်၊ မြင်ချင်စိတ်ဇော၊ ဓိဌာန်သောခါ၊ ခြောက်ဖြာရောင်ခြည်၊ ထွက်သည်များစွာ၊ စန္ဒာသူရိယ၊ စိုးရဘုရင်၊ ရွှီနန်းရှင်နှင့်၊ မတ်လျှင်ထပ်လောင်း၊ ပြည်သူပေါင်းရို့၊ သောင်းသောင်းကြော်ကြော်၊ သာဓုခေါ်၍၊ ဓာတ်တော်ပွဲကြီး၊ အံ့ရီးမကုန်၊ ပြီးပြည့်စုံသော်၊ ရွီတုံပြန်လိုက်၊ ထိုနှစ်မိဂသီ၊ သညီနတ်တော်၊ စေတီတော်ကို၊
ထီးတော်တင်ပွဲ၊ ရွှီချပွဲနှင့်၊ မစဲထိုခါ၊ လူများစွာရို့၊ ကြော်ငြာအုံးအုံး၊ ပျော်မဆုံးသည်၊ ပြည်လုံးအံ့သြမကုန်တည်း။ ။
မဟိံသကအဖိုးသျှင်မှ ကျေးဇူးပြုသည်။